÷ស្វាយរៀង÷អាជ្ញាធរខេត្តស្វាយរៀងនាព្រឹកថ្ងៃទី២ខែធ្នូឆ្នាំ២០១៤នេះបានរៀបចំមីទ្ទិញអបអរសាទរខួបអនុស្សាវរីយ៍លើកទី៣៦ថ្ងៃបង្កើតរណសិរ្សសាមគ្គីសង្គ្រោះជាតិកម្ពុជាថ្ងៃទី២ខែធ្នូឆ្នាំ១៩៧៨ថ្ងៃទី២ខែធ្នូឆ្នាំ២០១៤។ពិធីនេះក្រោមវត្តមានលោក ជៀង អំ អភិបាលនៃគណះអភិបាលខេត្តនិងជាប្រធានរណសិរ្សសាមគ្គីអភិវឌ្ឍន៍មាតុភូមិកម្ពុជាខេត្តស្វាយរៀងនិងមានការអញ្ជើញចូលរួមពីមន្ត្រីរាជការកងកម្លាំងប្រដាប់អាវុធទាំងបីប្រភេទព្រះសង្ឃលោកគ្រូអ្នកគ្រូសិស្សានុសិស្សព្រមទាំងប្រជាពលរដ្ឋចូលរួមប្រមាណជាង១០០០នាក់យ៉ាងអធិកអធ៌ម។
លោក ជៀង អំ មានប្រសាសន៍ថា ថ្ងៃនេះពិតជាថ្ងៃដ៍មហោឡារិក អធិកអធម៌និងពោពេញទៅដោយក្ដីសោមនស្សរីករាយជាអនេកដែលយើងទាំងអស់គ្នាបានមកជួបជុំគ្នាប្រារពធ្វើមីទ្ទិញអបអរសាទរខួបអនុស្សាវរីយ៍លើកទី៣៦ទិវាកំណើតរណសិរ្ស២ធ្នូជាប្រវត្តិសាស្ត្រដែលបានរំដោះនិងសង្គ្រោះជាតិមាតុភូមិនិងប្រជាជនកម្ពុជាឲ្យរស់រានមានជីវិតឡើងវិញរួចផុតពីគ្រោះមហន្តរាយនិងការកាប់សម្លាប់នៃរបបកម្ពុជាប្រជាធិបតេយ្យរបស់ប៉ុល ពត។ទោះជា
រយះពេលជាងបីទសវត្សបានកន្លងផុតទៅហើយក្ដីក៍ព្រឹត្តិការណ៍ជាប្រវត្តសាស្ត្រនេះនៅតែចារិកជាប់ជានិច្ចក្នុងដួងចិត្តនៃប្រជាជនខ្មែរគ្រប់ៗរូប។គឺផ្អែកលើមូលដ្ឋាននេះហើយដែលធ្វើឲ្យប្រជាជនកម្ពុជាយើងនៅចងចាំបានថា រណសិរ្ស២ធ្នូគឺជាបុព្វការីដ៍មានមហាគុណូបការះចំពោះជាតិនិងប្រជាជនកម្ពុជា ស្របនឹងទិសស្លោកជាសច្ចធម៌ប្រវត្តិសាស្ត្រដែលថា មានថ្ងៃ២ធ្នូទើបមានថ្ងៃ៧មករាមានថ្ងៃ៧មករាទើបមានអ្វីៗដូចថ្ងៃនេះ។លោក ជៀង អំ បានបន្តថា មីទ្ទិញដែលយើងប្រារពធ្វើនៅពេលនេះគឺក្នុងស្មារតីគោរពដឹងគុណយ៉ាងជ្រាលជ្រៅបំផុតចំពោះវីរយុទ្ធជន យុទ្ធនារីនិងអ្នកស្នេហាជាតិគ្រប់ជំនាន់ដែលបានធ្វើពលីកម្មដ៍ធំធេងនៅគ្រប់
សម័យកាលដើម្បីភាពស្ថិតស្ថេរគង់វង្សរីកចំរើននៃទឹកដីមាតុភូមិនិងប្រជាជនខ្មែរ។ពេលនេះប្រជាជនកម្ពុជាទាំងមូលជិតឈានចូលដល់ឆ្នាំថ្មីជាមួយនឹងក្ដីមោទនភាពក្រៃលែង ចំពោះសមិទ្ធផលទាំងឡាយលើគ្រប់វិស័យដែលយើងសម្រេចបានក្នុងបណ្ដាឆ្នាំកន្លងទៅព្រមទាំងជំនឿដ៍មុតមាំចំពោះជោគជ័យថ្មីថែមទៀតក្នុងឆ្នាំ២០១៥ខាងមុខនេះ៕
