បងប្អូនប្រជាពលរដ្ឋចំណាកស្រុកនៅតែបន្តឡើងកាប់រុករកឈើក្រញូងលើទឹកដីថៃជារៀងរាល់ថ្ងៃ ត្រួវទទួលរងការដេញបាញ់ប្រហារ សំលាប់ពីសំណាក់ទាហានថៃ ស្ទើរជារៀងរាល់ខែស្ថិតនៅក្នុងស្រុកជាំក្សាន្ត ខេត្តព្រះវិហារ នេះដោយសារមានមន្ត្រីខិលខូចមួយចំនួនបើកដៃអោយ
ប្រជាពលរដ្ឋចូលទៅកាប់ឈើគ្រញូងដែលត្រួវប្រថុយប្រថាននិងគ្រោះថ្នាក់ ដែលកម្មករទាំងនោះបាននាំគ្នាឡើងកាប់ឈើគ្រញូងលើទឹកដីថៃតាមច្រក ដំណាក់ផ្តៀក ហៅចំនុច ប៉ម៥ និងចំនុចឆ្កែលោតជាកន្លែង ឈរជើងរបស់វរសេនាតូចលេខ៤០៥។
ជាក់ស្តែងកាលពីថ្ងៃទី១១ ខែមិនាឆ្នាំ២០១៤ កម្មករចំនួន៥នាក់ដែលបានឡើងកាប់ឈើគ្រញូងក្នុងទឹកដីថៃនោះត្រួវបានទាហានថៃបាញ់សម្លាប់អស់ចំនួន៣នាក់និងបាត់ខ្លួន២នាក់ ទី១ឈ្មោះ អ៊ន ជីម អាយុ៥០ឆ្នាំភេទស្រីទី២ ឈ្មោះ ទិន ទិ អាយុ ២៥ឆ្នាំ ភេទប្រុស ទី៣ឈ្មោះ ម៉ៅ ម៉ន អាយុ២១ឆ្នាំ ភេទប្រុស អ្នកដែលបានស្លាប់ និងអ្នកបាត់ខ្លួនចំនួន២នាក់ទៀតឈ្មោះ ម៉ៅ ធា អាយុ១៨ឆ្នាំ ភេទប្រុស និងមួយទៀតឈ្មោះ ឪ ឡាង អាយុ ៤៨ឆ្នាំ ភេទប្រុស អ្នកទាំងអស់នោះមានស្រុកកំណើតនៅខេត្តកំពត បច្ចុប្បន្នស្នាក់នៅក្នុងភូមិឈើទាលគង ពួកគាត់បានឡើងកាប់ឈើគ្រញូងនៅចំនុចដំណាក់ផ្តៀក ដែរជាផ្លួវសម្បុកជ្រូក ស្ថិតនៅក្នុងភូមិសាស្ត្ររបស់វរសេនាតូចលេខ៤០៥។
ភ្នាក់ងារយកព័ត៌មានប៉ុស្តិ៍លេខ៣ ទាន់ហេតុការប្រចាំខេត្តព្រះវិហារ បានសុំធ្វើការអធិប្បាយពីលោកវរសេនីឯក លាស់ ណាម មេបញ្ជាការវរសេនាតូចលេខ៤០៥មិនអាចទំនាក់ទំនងបាននិងលោកផែន សុផួនដែលជាមេបញ្ជាការរង លោកបានឆ្លើយឆ្លងតាមទូរស័ព្ទថាមិនដឹងទៅវិញ ។
គួរបញ្ជាក់ផងដែរថា កាលពីថ្ងៃទី៩ខែឆ្នាំដដែល ឯកឧត្តមឧត្តមសេនីយ៍ឯក ស្រី ឌឹក មេបញ្ជាការកងពលធំអន្តរាគមន៍លេខ៣ និងជាប្រធានសមរភូមិទិសទី១ប្រាសាទព្រះវិហារ បានបើកកិច្ចប្រជុំជាមួយក្រុមប្រឹក្សាស្រុក និងកងកម្លាំងប្រដាប់អាវុធមួយចំនួនទៀតដែលមានការពាក់ព័ន្ធ កិច្ចប្រជុំនេះបានធ្វើនៅក្នុងវត្តឈើទាលគង ឯកឧត្តម ស្រី ឌឹក ក៍បានលើកអំពីបញ្ហាដែលបានកើតឡើងមួយរយះកន្លងមក តាមខ្សែរបន្ទាត់ព្រំដែន ជាពិសេស គឺនៅចំនុចច្រកអានសេះមានមន្ត្រីខិលខូចមួយចំនួន បានបើកដៃអោយ កម្មករឡើងកាប់ឈើក្រញូងក្នុងទឹកដីថៃ ចាប់តាំងពីខែមករា រហូតមកដល់ខែមិនានេះ គឺមានការបាត់ខ្លួន និងស្លាប់មនុស្សអស់ជាច្រើនអ្នកមកហើយដោយសារតែមន្ត្រីមួយចំនួនមិនអនុវត្តរាល់បទបញ្ជារបស់ថ្នាក់ដឹកនាំ ក៍ដូចជាអនុសាសន៍របស់ប្រមុខរាជរដ្ឋាភិបាល បែរជាបើកដៃអោយពលករឡើងកាប់ឈើគ្រញូងក្នុងទឹកដីថៃតាមទំនើងចិត្ត ធ្វើយ៉ាងណាអោយតែបានប្រាក់ចូលហ៊ោបាវរបស់ខ្លួន ដោយមិនគិតពីការបាត់បង់អាយុជីវិតរបស់ប្រជាពលរដ្ឋឡើយ៕
