ខេត្តបន្ទាយមានជ័យ៖
ក្រុមសហភាពសហព័ន្ធយុវជនកម្ពុជាខេត្តបន្ទាយមានជ័យជិត២០០នាក់ដឹកនាំដោយ លោក សាន វឌ្ឍនា ប្រធានសហភាពសហព័ន្ធយុវជនកម្ពុជាខេត្តបន្ទាយមានជ័យបានធ្វើដំណើរចុះបំពេញទស្សនកិច្ចសិក្សាស្វែងយល់ពីតម្លៃសម្បត្តិ វធម៌នៃប្រាសាទបន្ទាយឆ្មារដែលជាកេរិ៍្តមរតករបស់ដូនតាបានកសាងឡើងបន្សល់ទុកតាំងពីយូរលង់ណាស់មកហើយនៅព្រឹកថ្ងៃទី១០ខែធ្នូឆ្នាំ២០១៤។ ប្រសាទបន្ទាយឆ្មារមានទីតាំងជាប់ទៅនិង ព្រំដែនកម្ពុជា-ថៃនៅ ចម្ងាយ ពីរួមខេត្ត
បន្ទាយមានជ័យ៦៥គីឡូម៉ែត្រស្ថិតនៅភូមិបន្ទាយឆ្មារជើង ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ។ប្រាសាទបន្ទាយ ឆ្មារនេះដែរត្រូវបានរាជរដ្ឋាភិបាលកម្ពុជាកំពុងតែកសាងជួសជុលឡើងវិញហើយគ្រោងនិងរៀបចំដាក់ចូលជាបេតិកភណ្ឌពិភលោកនៅពេលខាងមុខនេះផង។ការចុះបំពេញទស្សនកិច្ចសិក្សារបស់ក្រុមសហភាពសហ័ន្ធយុវជនកម្ពុជាខេត្តបន្ទាយមានជ័យនៅប្រាសាទបន្ទាយឆ្មារនេះក្នុងគោលបំណងដើម្បីឱ្យកូនខ្មែរជំនាន់
ក្រោយចេះស្រលាញ់សម្បត្តិវប្បធម៌ ខ្មែរដែលជាដួងព្រលឹងជាតិក៏ដូចជានាំគ្នាចូលរួមថែរក្សាការពារអភិរក្សឱ្យបានគង់វង្សឡើង។ជុំវិញប្រវត្តិនៃប្រាសាទបន្ទាយឆ្មារនេះលោក យង់តាំងកួយប្រធានមន្ទីរវវប្បធម៌និងវិចិត្រសិល្បៈខេត្តបានឱ្យដឹងថា៖ប្រាសាទបន្ទាយឆ្មារកសាងឡើងដោយព្រះបាទជ័យវរ្ម័នទី៧ នាចុងសតវត្សទី១២និងដើមសតវត្សទីទី១៣ ដែលជាក្សត្រខ្មែរដ៏ល្បីល្បាញក្នុងសម័យអង្គរ ។លោកបានបន្តឱ្យដឹងទៀតថា ប្រាសាទបន្ទាយឆ្មារកសាងលើផ្ទៃដីទីទួលមានប្រាង្គចំនួន៥៦ ប្រាង្គមានរូបព្រហ្ម៣៧មានផ្លូវចូល៤ទិស ក្លោងទ្វារនីមួយៗមានរូបរឿងគោសមុទ្រទឹកដោះ និងកំផែង៤ជាន់។ប្រាសាទនេះជាសំណង់ធ្វើអំពីថ្មបាយក្រៀមនិងថ្មភក់និងមានប្រាសាទរណបជុំវិញចំនួន៨ប្រាសាទ។លោកបានលើកឡើងទៀតថា៖ប្រាសាទបន្ទាយឆ្មារកសាងឡើងដើម្បីឧទ្ទិសថា្វយជូនដល់ព្រះរាជបុត្ររបស់ព្រះអង្គព្រះនាមសិនកុមារនិងឧទ្ទិសជូនមេទ័ពទាំងបួនដែលបានពលីជីវិតនៅក្នុងសមរភូមិ នៅគ្រាដែលប្រយុទ្ធជាមួយ មេទ័ពប្រទេសចំប៉ាដែលបានចូលរុករានទឹកដី អាណាចក្រកម្ពុជាយើងនេះ។ប្រាសាទបន្ទាយឆ្មារ គេដាក់នាមថាជារាជធានីតូចហើយកសាងចុង ក្រោយគេបង្អស់ក្នុងចំណើម ប្រាសាទបុរាណនានានៅក្នុងប្រទេសកម្ពុជាយើងនេះ។
