ក្រចេះ ៖ មន្ត្រីនៃអគ្គនាយកដ្ឋានកសិកម្មនៃក្រសួងកសិកម្ម ក៍ដូចជាមន្ត្រីអង្គការ មិនម៉ែនរដ្ឋាភិបាលបានជំរុញនិងលើកទឹកចិត្តដល់ប្រជាកសិករដែលកំពង់ប្រើ ប្រាស់ថ្នាំកសិកម្មជីគីម៉ី អោយងាកមកប្រើថ្នាំជីសរីរាង្គធម្មជាតិដែលមាននៅក្នុងសហគមន៍វីញដើម្បីរួមចំណែកផលប៉ះពាល់និងធានាបាននូវសុខុមាភាព សុវត្តិភាពស្បៀង ។
មានប្រសាសន៍ទៅកាន់ប្រជាកសិករ សិស្សានុសិស្សមន្ត្រីអង្គការសង្គមស៊ីវិល មន្ត្រីតាមបណ្តារមន្ទីពាក់ពន្ឋ័ប្រមាណជិត៥០០នាក់ នៅក្នុងទិវាគ្មានការប្រើប្រាស់ថ្នាំកសិកម្មលើប្រធានបទ (រួមគ្នាកាត់បន្ថយ ផលប៉ះពាល់ថ្នាំកសិកម្ម ដើម្បីធានាបាននូវសុខុមាភាពនិងសុវត្ថិភាពស្បៀង កាល ពីព្រឹកថ្ងៃទី១១ ខែធ្នូរ ឆ្នាំ២០១៤ មន្ត្រីអគ្គនាយកដ្ឋានកសិកម្ម នៃក្រសួងកសិកម្មរុក្ខាប្រមាញ់និងនេសាទ និង លោក បណ្ឌិត តឹក វណ្ណារ៉ា នាយកប្រតិបត្តិវេទិកានៃអង្គការមិនម៉ែនរដ្ឋាភិបាលបានបញ្ជាក់អំពីផលប៉ះពាល់នៃកាប្រើប្រាស់ថ្នាំជីគីម៉ី គឺវាអាចបង្ករផលប៉ះពាល់ទៅដល់ សុភាពអាយុជីវិត មនុស្ស សត្វ និងបរិស្ថាន ជាដើម ។
លោក បណ្ឌិត តឹក វណ្ណារ៉ា មានប្រសាសន៍ថាវិស័យកសិកម្មគឺជាវិស័យដ៍សំខាន់បំផុតសំរាប់ប្រជាជនកម្ពុជា ហើយវិស័យនេះបានចូលរួមចំណែកជំរុញ សេដ្ឋកិច្ចជាតិដោយផ្តល់នូវស្បៀងអាហារសម្រាប់ជីវភាពប្រចាំថ្ងៃរបស់ប្រជាជនគ្រប់រូប មិនតែប៉ុណ្ណោះ វិស័យកសិកម្មបានផ្តល់ជាវត្ថុធាតុដើមយ៉ាងចំបងសម្រាប់ការអភិវឌ្ឍន៍ផ្នែកកសិឧស្សាហកម្ម និងជាប្រភពចំណូលជាតិយ៉ាងសំខាន់ ដែលទទួល ពីការធ្វើផលិតកម្មនាំចេញផលិតផលកសិកម្មចូលនៅក្នុទីផ្សារអន្តរជាតិ ។
កសិកម្មកម្ពុជាជាវិស័យមួយនៅក្នុងយុទ្ឋសាស្ត្រចតុកោណដំណាក់កាលទី៣ របស់រាជរដ្ឋាភិបាលអាណ្ណាតិទី៥ ដែលបច្ចុប្បន្ននេះប្រជាកសិករកំពង់តែមានការពេញនិយមក្នុងប្រើរប្រាស់នូវសារធាតុគីម៉ី ដូចជាថ្នាំកសិកម្ម ជីគីម៉ី ថ្នាំបំប៉នអ័កម៉ូន ដើម្បីជំរុញផលិតផលកសិកម្មរបស់ពួកគាត់អោយមានការកើនឡើងកាន់តែច្រើន
ទន្ទឹមនិងការធ្វើអោយមានទិន្និផលកើតឡើង វាក៍បង្ករនូវផលប៉ះពាល់យ៉ាងខ្លាំង ទៅដល់សុខភាពមនុស្ស សត្វ និងបរិស្ថាន ពិសេសសន្តិសុខស្បៀង និងសុវត្តិភាព នៅកម្ពុជា ។
លោក នាយកប្រតិបត្តិ បានបញ្ជាក់ទៀតថា កាប្រារព្ឋទិវានេះឡើងក្នុងគោល បំណងទី១ ដើម្បីជំរុញអោយស្ថានប័នពាក់ពន្ឋ័ ចូលរួមលុបបំបាត់ការប្រើប្រាស់ថ្នាំ កសិកម្ម ដែលកំពង់ប្រឈមនិងគ្រោះថ្នាក់ ទី២គឺលើកទឹកចិត្ត ដល់ប្រជាកសិករ ពិសេសស្ត្រី អោយងាកមកប្រើប្រាស់វិធានការចម្រុះ គ្រប់គ្រងដំណាំនៅក្នុង សហគមន៍ និងទី៣ ផ្សព្វផ្សាយអំពីផលព៉ះពាល់នៃការប្រើប្រាស់ថ្នាំកសិកម្មមកលើ សុខភាព បរិស្ថាន និងសង្គម ។ ក្នុងនោះលោក បានស្នើអោយរដ្ឋាភិបាលកម្ពុជា មេត្តាពង្រឹងកាអនុវត្តន៍ច្បាប់បន្ថែមទៀត ដើម្បីទប់ស្កាត់ការនាំចូលថ្នាំកសិកម្ម ខុស ច្បាប់ និងថ្នាំកសិកម្មដែលធ្វើអោយខូចខាត និងការបាត់នូវតុល្យភាពនៃលំនិង នៃ ប្រពន្ឋ័ អេកូឡូស៊ី សុខមាភាពប្រជាពលរដ្ឋ និងសុវត្ថិភាពស្បៀងនៅកម្ពុជា ដើម្បីឈានទៅដល់ការលុបបំបាត់ថ្នាំកសិកម្មទាំងស្រុងផងដែរ ។
លោក ឈឿន វន តំណាងប្រជាកសិករនៅស្រុកក្រូចឆ្មារ ខេត្តត្បូងឃ្មុំ ក្នុងនាមលោកជាកសិកដាំដំណាំ ដំឡូងម៉ី គឺក្នុងមួយថ្ងៃលោក ប្រើប្រាស់ ថ្នាំសម្លាប់សត្វល្អិតដែលមានជាតិគីម៉ី ចាប់ពី១០ធុងឡើងទៅ ហើយគឺវាអាចធ្វើប៉ះពាល់ដល់សុខភាពរបស់យើង កាន់តែត្រុនទ្រោមទៅៗ អាការះពលថ្នាំ គីម៉ី គឺមុនដំបូងវាធ្វើអោយយើង ព្រៅសំបុលពេញខ្លួន បន្ទាប់មកចាប់ផ្តើមរម៉ាស់ក្បាល រួចចាប់ផ្តើមស្រវាំងភ្នែកមើលលែងឃើញតែម្តង ។
លោកបានបញ្ជាក់ពី កាប្រើប្រាស់ជាតិគីម៉ី វាអាចធ្វើអោយយើងខាតបង់ប្រាក់ និងពេលវាលារបស់យើង ក្នុងនោះក៍បានផ្តាំផ្ញើដល់ប្រជាកសិកទាំងអស់ ដែលបាន បង្ករបង្កើន សូមជៀសវាងនូវការប្រើប្រាស់ថ្នាំកសិកម្មសារធាតុគីម៉ី ហើយងាកមកប្រើ ជីធម្មជាតិដែលមាននៅក្នុងសហគមន៍វិញ ដែលវាមិនប៉ះពាល់ដល់សុខភាព ហើយចំណេញថវិការបានខ្លះផង ។ម៉េង ហ៊ាង ក្រចេះ
ជនសង្ស័យភេទប្រុសពីរនាក់ត្រូវបាននគរបាលប្រឆាំងគ្រឿងញៀនខេត្តសៀមរាបធ្វើការចាប់ឃាត់ខ្លួនបញ្ជូនទៅកាន់សាលាដំបូងខេត្ត
សៀមរាប : ជនសង្ស័យភេទប្រុសទី មួយ មានឈ្មោះ ហួត គង់ ទីពីរមានឈ្មោះ ជា តុលា ។ ត្រូវបានកម្លាំងនគរបាលការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តសៀមរាបធ្វើការចាប់ឃាត់ខ្លួនកាលពីថ្ងៃទី០៩ ខែ ធ្នូ ឆ្នាំ ២០១៤ កន្លងទៅរួចយកមកកាន់ការិយាល័យនគរបាលជំនាញដើម្បីធ្វើការសួរនាំជាប់ពាក់ព័ន្ធក្នុងករណី ជួញដូរដោយខុសច្បាប់នូវសារធាតុញៀន ។ជាប់ពាក់ព័ន្ធក្នុងករណីខាងលើលោក វរសេនីយ៍ទោ អ៊ុំ សាអាត នាយការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តសៀមរាបបានអោយដឹងថាដោយអនុវត្តតាមការយកចិត្តទុកដាក់ខ្ពស់ជាប្រចាំពីសំណាក់លោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាប ក៏ដូចជាដើម្បីធ្វើអោយការអនុវត្តនូវគោលនយោបាយភូមិឃុំមានសុវត្ថិភាព អោយ កាន់តែមានប្រសិទ្ធភាពខ្ពស់ផងនោះ ។ ទើបជាក់ស្តែងជនសង្ស័យភេទប្រុសទាំងពីរនាក់នេះបន្ទាប់ពីកម្លាំងនគរបាលជំនាញបានធ្វើការតាមដានស្រាវជ្រាវនិងកំណត់មុខសញ្ញាបានហើយនោះទើបកម្លាំងសមត្ថកិច្ចជំនាញធ្វើការបង្ក្រាបបានតែម្តង ។ លោក វរសេនីយ៍ទោ អ៊ុំ សាអាត បានបន្តអោយដឹងទៀតថាក្នុងកិច្ចចុះប្រតិបត្តិការណ៍ខាងលើសមត្ថកិច្ចយើងបានធ្វើការដកហូតបាននូវវត្ថុតាងពីជនសង្ស័យនូវប្រភេទគ្រឿងញៀនម៉ាទឹកកកចំនួន៤កញ្ចប់តូចនិងសម្ភារះប្រើប្រាស់គ្រឿងញៀនមួយចំនួនទៀតផងដែរ។ បច្ចុប្បន្នទាំងជនសង្ស័យនិងវត្ថុតាងត្រូវបានសមត្ថកិច្ចកសាងសុំណុំរឿងនិងបញ្ជូនទៅកាន់សាលាដំបូងខេត្តសៀមរាបហើយ ដើម្បីចំណាត់ការទៅតាមនីតិវិធីបន្ត ៕
លោក ព្រិន្ទបាលទោ ខេង ខេមរា
