សៀមរាប ៖ នៅព្រឹកថ្ងៃ ទី ១២ខែ ធ្នូ ឆ្នាំ២០១៤នេះ ឯកឩត្តម ឩត្តមសេនីយ៍ឯក ហែម ថេងអគ្គនាយករង នៃអគ្គនាយកដ្ឋានអន្តោប្រវេសន៍និងជាតំណាងដ៏ខ្ពង់ខ្ពស់ឯកឧត្តម នាយឧត្តមសេនីយ៍ សុខ ផល អគ្គនាយក នៃអគ្គនាយកដ្ឋានអន្តោប្រវេសន៍ ក្រសួងមហាផ្ទៃ ព្រមទាំងប្រតិភូរួមដំណើរក៏ដូចជាកងកម្លាំងនគរបាលជាតិមួយចំនួនទៀតចំណុះស្នងការដ្ឋាននគរបាលខេត្តសៀមរាបបាន អញ្ជើញគោរពវិញ្ញាណក្ខ័ន្តនិងបំពាក់បច្ជាមរណះ
ថ្នាក់ឩត្តមសេនីយ៍ត្រីជូនសពលោកនន់សុផាន្នី អតីតនគរបាលជាតិដែលទើបនិងប្រកាសផ្ទេរតួនាទីភារះកិច្ចពីស្នងការដ្ឋាននគរបាលខេត្តសៀមរាបទៅបំរើការជាអនុប្រធាននាយកដ្ឋានអន្តោប្រវេនន៍ក្រសួងមហាផ្ទៃ ។ ដែលលោកបានទទួលមរណះភាពកាលពីល្ងាចថ្ងៃទី០៩ ខែធ្នូ ឆ្នាំ២០១៤ កន្លងទៅ ក្នុងជន្មាយុ ៥២ ឆ្នាំ ដោយរោគាពាធ៍ដោយពិធីនេះត្រូវបានធ្វើឡើងនៅគេហដ្ឋាននៃសពស្ថិតនៅក្នុង សង្កាត់គោកចក ក្រុងសៀមរាប ។
ដោយនៅក្នុងពិធីដ៏ក្រៀមក្រំនេះក្នុងនាមជាកងកម្លាំងនគរបាលជាតិទាំងអស់ក៏ដូចជាបន្ទាប់ពីបានដាក់នូវកម្រងផ្កា និង ការបូជាទៀន ធូក ដើម្បីឧទ្ទិសជូនដល់ដួងវិញ្ញាណក្ខ័ន្ត នៃសពលោកឩត្តមសេនីយ៍ត្រីនន់សុផាន្នីនិងធ្វើការស្មឹងស្មាត គោរពវិញ្ញាណក្ខ័ន្តនៃសព ក្នុងការរំលឹងនូវគុណបំណាច់របស់លោក ដែលបានតស៊ូពុះពារក្នុងការបំរើជាតិមាតុភូមិ នៃទឹកដីសុវណ្ណភូមិកម្ពុជាយើង ឲ្យបានទៅកាន់ទីសោយសុខក្នុងសុគតិភពថ្មី ព្រមទាំងសូមបែរក្រោយឲ្យពរជ័យដល់ថ្នាក់ដឹកនាំជាតិ បងប្អូនរួមអាវុធ និង ក្រុមគ្រួសារ សូមឲ្យជួបតែសេចក្តីសុខ នឹង ដឹកនាំប្រទេសឲ្យមានកិច្ចអភិវឌ្ឍន៍រីកចម្រើនរួចមក ។
ក្នុងការចូលរួមរំលែកទុក្ខជាមួយក្រុមគ្រួសារសពនាឱកាសនោះ ឯកឩត្តម ឩត្តមសេនីយ៍ឯក ហែម ថេង អគ្គនាយករង នៃអគ្គនាយកដ្ឋានអន្តោប្រវេសន៍និងជាតំណាងដ៏ខ្ពង់ខ្ពស់ឯកឧត្តម នាយឧត្តមសេនីយ៍ សុខ ផល អគ្គនាយក នៃអគ្គនាយកដ្ឋានអន្តោប្រវេសន៍ ក្រសួងមហាផ្ទៃ ព្រមទាំងកងកម្លាំងទាំងអស់ បានសម្តែងនូវការសោកស្តាយយ៉ាងខ្លាំង ចំពោះការបាត់បង់នូវកុលបុត្រខ្មែរដ៏ឆ្នើម ក្នុងការបំរើជាតិមាតុភូមិ ទាំងវិស័យកងកម្លាំង និង ព្រះពុទ្ធសាសនា ។ ម្យ៉ាងទៀតចំពោះគំរូនៃវីរៈភាព និង រាល់ស្នាដៃនៃសមិទ្ធផលដ៏ធំធេងដែល លោកបានបន្សល់ទុកនៅ ក៏បានធ្វើឲ្យបងប្អូនរួមអាវុធ ថ្នាក់ដឹកនាំគ្រប់ជាន់ថ្នាក់ មន្ត្រីរាជការ ប្រជាពលរដ្ឋ ចងចាំជានិច្ច នូវគំរូវីរៈដ៏ឆ្នើមរបស់លោក ដែលធ្វើឲ្យកូនចៅជំនាន់ក្រោយ សិក្សារៀនសូត្រពីវីរៈភាពទាំងនេះផងដែរ ៕
នៅក្នុងពិធីនោះឯកឩត្តម ឩត្តមសេនីយ៍ឯក ហែម ថេង បាននាំយកនូវថវិកាសមាគមន៍មិត្តនគរបាលជាតិចំនួន ៤ លានរៀល ឯកឧត្តម នាយឧត្តមសេនីយ៍ សុខ ផល អគ្គនាយក នៃអគ្គនាយកដ្ឋានអន្តោប្រវេសន៍ ក្រសួងមហាផ្ទៃចំនួន ២ លានរៀល និង លោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាប ១លានរៀលសរុប ៧លានរៀលប្រគល់ជូនដល់ក្រុមគ្រួសារសពលោកឩត្តមសេនីយ៍ត្រី នន់ សុផាន្នី ដើម្បីទុកសម្រាប់យកទៅប្រើប្រាស់តាមតំរូវការក្នុងពិធីបុណ្យសពនេះផងដែរ ៕
រូបភាព និង អត្ថបទ ខេង ខេមរា
