ខ្សែប្រយុទ្ធអន្តរជាតិអាហ្សង់ទីន Lionel Messi បានចេញមុខបដិសេធលើការចុះផ្សាយពីសំណាក់ អ្នកសារព័ត៌មានថា រូបគេអាចនឹងចាកចេញពី Barcelona នៅរដូវកាលនេះ ។
មានសេចក្តីរាយការណ៍មួយនាពេលថ្មីៗនេះបានលើកឡើងថា ក្លិបមេឃខៀវ Manchester City កំពុងតែ ត្រៀមទឹកប្រាក់មហាសាលដើម្បីនាំយកខ្សែប្រយុទ្ធវ័យ ២៦ ឆ្នាំរូបនេះឲ្យចាកចេញពីទឹកដី Camp Nou នៅពេល ចប់រដូវកាលនេះ ។
ទោះបីជាយ៉ាងណាក៏ដោយ Messi បានលើកឡើងថា រូបគាត់ចង់បញ្ចប់អាជីពបាល់ទាត់នៅជាមួយក្លិប អ្នកមានបុណ្យ Barcelona ។
Messi បាននិយាយក្រោយការប្រកួតឈ្នះ Osasuna ៧-០ កាលពីយប់មិញថា “គោលបំណងរបស់ខ្ញុំគឺចូលនិវត្តន៍នៅ Barcelona ខ្ញុំរីករាយនៅទីនេះ” ។
គួរបញ្ជាក់ថា ចាប់តាំងពីបើករដូវកាលថ្មីមក Messi ស៊ុតបញ្ចូលទីបានចំនួន ២៨ គ្រាប់ហើយ ៕