ខេត្តស្វាយរៀងៈ ដោយមានការចង្អុលដឹកនាំ បញ្ជា ផ្ទាល់ពីលោកឧត្តមសេនីយ៍ត្រី កឹង ឃន ស្នងការ នគរបាលខេត្ត នៅថ្ងៃទី ១១ ខែ ឧសភា ឆ្នាំ ២០១៤ នេះ កម្លាំងនគេបាលជំនាញព្រហ្មទណ្ឌខេត្ត សហ ការជាមួយកម្លាំងជំនាញអធិការដ្ឋាននគរបាលក្រុង បាវិត និង អធិការដ្ឋាននគរបាលស្រុកកំពង់រោទិ៍ បាន ចាប់មុខសញ្ញាចោរលួចកាច់សោកម៉ូតូមួយក្រុម ១.ឈ្មោះ ផាន់ វាសនា ភេទប្រុស អាយុ ២៨ឆ្នាំមុខរបរមិនពិតប្រាកដ ២.ឈ្មោះ សួន ណាក់
ភេទប្រុស អាយុ ៣៤ ឆ្នាំ មុខរបរធ្វើស្រែ ទាំង ០២ នាក់មានទីលំភូមិព្រៃតាញ៉យ ឃុំខ្សែត្រ ស្រុកកំពង់រោទិ៍ ខេត្តស្វាយរៀង ៣.ឈ្មោះ គាត ណូលីដាភេទប្រុសអាយុ ២៨ ឆ្នាំ មុខរបរជាងជួសជុលម៉ូតូ មានភូមិកណ្ដាល ឃុំខ្សែត្រ ស្រុកកំពង់រោទិ៍ ខេត្តស្វាយរៀង រួមមានវត្ថុតាងរថយន្ដម៉ាកកាមរីឆ្លាម សេរីឆ្នាំ ២០០០ ពណ៌ទឹកប្រាក់ ០១ គ្រឿង ម៉ូតូ ០២ គ្រឿង ខ្នោះដៃ ០១ គូ
សោក្សៀ ០១ សោស៊កសម្រាប់កាច់ក ០១ ។ បច្ចុប្បន្នសមត្ថកិច្ចជំនាញកំពុងកសាងសំណុំរឿងបញ្ជូនទៅសាលាដំបូងខេត្ត ដើម្បីចាត់ការតាមផ្លូវច្បាប់ ៕
