ក្លិបបាល់ទាត់ Hamburger បានបណ្តេញគ្រូបង្វឹកសញ្ជាតិហូឡង់ Bert van Marwijk ចេញពីក្លិប ក្រោយពេលប្រកួតចាញ់ Eintracht Braunschweig កាលពីយប់ថ្ងៃសៅរ៍ ។ បរាជ័យកាលពីថ្ងៃសៅរ៍បានធ្វើឲ្យក្លិបមួយនេះប្រកួតចាញ់ ៧ ប្រកួតជាប់ៗគ្នាហើយកំពុងស្ថិតក្នុងតំបន់ដែលត្រូវគេកាត់ចោលដោយមានត្រឹមតែ ១ ពិន្ទុប៉ុណ្ណោះឈរពីលើក្រុមបាតតារាង Braunschweig ។
ក្លិបបានបង្ហោះសេចក្តីប្រកាសលើគេហទំព័ររបស់ខ្លួនថា “យើងពិតជាស្តាយក្រោយដែលយើងត្រូវបង្ខំ ចិត្តធ្វើការសម្រេចចិត្តបែបនេះនៅពេលនេះហើយយើងសូមអរគុណចំពោះ Bert van Marwijk សម្រាប់ការងាររបស់គាត់” ។ គួរបញ្ជាក់ថា លោក Van Marwijk គឺជាគ្រូបង្វឹកទី ២ ហើយដែលត្រូវបានក្លិបបណ្តេញចេញនៅរដូវកាលនេះក្រោយពេលក្លិបបានបណ្តេញលោក Thorsten Fink កាលពីខែកញ្ញា ៕ 
