បាល់បោះ៖ ក្រុម Oklahoma City Thunder បានយកឈ្នះក្រុម Houston Rockets ក្នុងលទ្ធផល 106-98 ការប្រកួត ក្របខណ្ឌបាល់បោះសហរដ្ឋអាមេរិក។ កីឡាករ Superstar របស់ក្រុម Oklahoma, Kevin Durant ជាអ្នកធ្វើបានច្រើន ជាងគេ 42 ពិន្ទុ ដែលនេះជាលើកទី 11 ហើយដែល
Kevin Durant ធ្វើបាន 40 ពិន្ទុឡើង។
ក្រុមម្ចាស់ផ្ទះក៏មានការ សហការល្អ និង លេងបានល្អពី Serge Ibaka ដែលរកបាន 12 ពិន្ទុ 16 បាល់ Rebound និងរារាំងការស៊ុតរបស់គូ ប្រកួតបាន 4 លើក ខណៈដែល Russell Westbrook ធ្វើបាន 24 ពិន្ទុ បញ្ជូនបាល់បានសំរេច 7 លើក។ ចំណែកក្រុម ចាញ់ Houston Rockets វិញ កីឡាករ James Harden រកបាន 28 ពិន្ទុ 9 បាល់បញ្ជូន និង 8 បាល់ Rebound និងកីឡាករ Chandler Parsons 19 ពិន្ទុ តែនៅតែមិនអាចរក្សាជ័យជំនះរបស់ Houston Rockets 5 ប្រកួតជាប់គ្នាបាន។ ជ័យជំនះនេះធ្វើអោយ Oklahoma City Thunders ឈរលេខពីរក្នុងតារាង ខណៈដែល Houston Rockets ឈរលេខ 6៕
