(កំពង់ធំ)÷ឯកឧត្តម ប៉ែន ផល្លីកា អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ លោក ជិន ស៊ីថា នាយខណ្ឌរដ្ឋបាលជលផលកំពង់ធំ បានដឹកនាំមន្ត្រីខណ្ឌ មន្រ្តីផ្នែក មន្រ្តីសង្កាត់ ចុះដឹកនាំក្រុមការងារចំរុះទ្រង់ទ្រាយធំ ដោយមានការចូលរួមពីឧម្តមសេនីយ៍ត្រិ វ៉ាចាន់ កុសល មេបញ្ជាការស្រាលប្រចាំឃុំផាត់សណ្តាយ
លោក បុី វិចិត្រ នាយរងអធិការរដ្ឋានរដ្ឋបាលជលផលខាងជើងបឹងទន្លេសាប បានចុះបង្រ្កាបបទល្មើសនេសាទ នៅចំណុច មុខបាទាល់(លំហទន្លេសាប) ក្នុងភូមិសាស្ត្រស្រុកស្ទោង និងស្រុកកំពង់ស្វាយ ព្រំប្រទល់ខេត្តកំពង់ធំ និងខេត្តពោធិសាត់ នៅថ្ងៃទី០៥ ខែមីនា ឆ្នាំ២០២៦។
នៅថ្ងៃដដែលលោក ហួន ផល នាយសង្កាត់រដ្ឋបាលជលផលពាមបាង បានដឹកនាំមន្រ្តី និងមន្រ្តីជាប់កិច្ចសន្យា បានចូលរួមជាមួយលោកវរសេនីយ៍ត្រី ភោគ ប៊ុនធឿន នាយទាហានថ្នាក់ដឹកនាំតំបន់ប្រតិបត្តិការសឹករងកំពង់ធំ( យោធភូមិភាគទី ៤ ) និងកម្លាំងទីបញ្ជាការស្រាល ឃុំពាមបាង ស្រុកស្ទោង ខេត្តកំពង់ធំ បានចេញប្រតិបត្តិការ ត្រួតពិនិត្យ និង បង្រ្កាបបទល្មើសនេសាទ នៅចំណុច ទឹកថ្លា ឃុំពាមបាង ស្រុកស្ទោង ខេត្តកំពង់ធំ។
ជាមួយគ្នានេះផងដែរ កម្លាំងចម្រុះបានចុះបង្ក្រាបបទល្មើសក្នុងភូមិសាស្រ្តខេត្តកំពង់ធំ ជាលទ្ធផលអនុវត្តបាន១ករណីបានរុះរើ កាប់បំផ្លាញចោលឧបករណ៍នេសាទខុសច្បាប់ របាំងស្បៃមុងនៅនឹងកន្លែងរួមមាន÷ របាំងស្បៃមុងចំនួន៩របាំង ប្រវែង២.៧០០ម៉ែត្រ ឡុកស្បៃមុងចំនួន២៦គ្រឿង លូ ឬលប ស្បៃមុងចំនួន៣៦មាត់ បង្គោលចំនួន១.៣៧០ដើម និងចាក់លែងកូនត្រីចម្រុះចំនួន៣០គីឡូក្រាមចូលទន្លេវិញ។ 
