ឧត្តរមានបន្ទាយ៖ ថ្ងៃទី២៣ ខែមីនា ឆ្នាំ២០២៦ ដោយមានការចង្អុលបង្ហាញពីសំណាក់ លោកឧត្តមសេនីយ៍ទោ ខូវ លី ស្នងការនគរបាលខេត្តឧត្ដរមានជ័យ និង លោកឧត្ដមសេនីយ៍ត្រី ថោង សាមិ ស្នងការរងទទួលផែនការងារសណ្ដាប់ធ្នាប់ លោកវរសេនីយ៍ទោ រុន រ៉ាឌី អធិការនគរបាលស្រុកបន្ទាយអំពិល បាន
ចាត់កម្លាំងផែនការងារសណ្តាប់ធ្នាប់សាធារណៈស្រុកចំនួន ០៨ នាក់ ដឹកនាំដោយ លោកវរសេនីយ៍ត្រី សាប់ មិថុនា អធិការរង បានចុះអនុវត្តអប់រំ និងផ្សព្វផ្សាយច្បាប់ស្តីពីចរាចរណ៍ផ្លូវគោក តាម អនុក្រឹ្យលេខ ៣៩ អនក្រ.បក ចុះថ្ងៃទី ១៧ ខែ មីនា ឆ្នាំ ២០២០ ដល់អ្នកបើកបរយានយន្តគ្រប់ប្រភេទ ដែលធ្វើដំណើរលើដងផ្លូវ ឆ្លងកាត់ភូមិសាស្ត្រស្រុកបន្ទាយអំពិល ការធ្វើដំណើរលើដងផ្លូវតម្រូវឲ្យបើកបរគោរពទៅតាមស្លាកសញ្ញា,គំនូសសញ្ញា,បើកបរនិយាយទូរស័ព្ឌ ពាក់មួកសុវត្ថិភាព ខ្សែក្រវាត់សុវត្ថិភាព ឲ្យបានត្រឹមត្រូវគ្រប់ពេលធ្វើដំណើរ និង បិទចំណាំងផ្លាតគោយន្តកន្រ្តៃ ចែកជូនសៀវភៅច្បាប់ស្ដីពីចរាចរណ៍ផ្លូវគោក និងឯកសារពាក់ព័ន្ធមួយចំនួនដើម្បីការពារសុវត្ថិភាព និងកាត់បន្ថយគ្រោះថ្នាក់ចរាចរណ៍ ៕ដោយ៖ភ្នំដងរ៉ែក
