ឧត្តរមានជ័យ៖ នាព្រឹកថ្ងៃ១៣ ខែឧសភា ឆ្នាំ២០២៦ រដ្ឋបាលខេត្តឧត្ដរមានជ័យ សហការជាមួយមន្ទីរការងារ និងបណ្ដុះបណ្ដាលវិជ្ជាជីវៈខេត្តឧត្ដរមានជ័យ 
បានរៀបចំអបអរសាទរខួបអនុស្សាវរីយ៍លេីកទី១៤០ នៃទិវាពលកម្មអន្តរជាតិ ១ ឧសភា ឆ្នាំ២០២៦ ក្រោមប្រធានបទ «រួមគ្នាកសាងភាពធន់ដើម្បីការងារសមរម្យ» ក្រោមអធិបតីភាព ឯកឧត្ដម ហួន វ៉ាន់និត អភិបាលរងខេត្តតំណាងដ៏ខ្ពង់ខ្ពស់ឯកឧត្តម មាន ចាន់យ៉ាដា អភិបាលនៃគណៈអភិបាលខេត្តឧត្ដរមានជ័យ និង ឯកឧត្តម ម៉ៅ រ៉ាវុធ សមាជិកក្រុមប្រឹក្សាខេត្ត។
ដោយមានការអញ្ជើញចូលរួមពីសំណាក់តំណាងលោកស្នងការនគរបាលខេត្ត មេបញ្ជាការកងរាជអាវុធហត្ថខេត្ត មេបញ្ជាការតំបន់ប្រតិបត្តិការសឹករងខេត្ត លោក លោកស្រី ថ្នាក់ដឹកនាំមន្ទីរអង្គភាពជុំវិញខេត្ត អភិបាលក្រុង/ស្រុក តំណាងរោងចក្រ សហគ្រាស យុវជនកាយរិទ្ធិ យុវជនកាកបាទក្រហម សហភាពសហព័ន្ធយុវជនកម្ពុជាខេត្ត លោកគ្រូ អ្នកគ្រូ សិស្សានុសិស្ស និងកម្មករនិយោជិតនៅក្នុងខេត្តសរុបចំនួនប្រមាណ៣០០នាក់ ស្រី ១០៧នាក់ នៅបរិវេណមន្ទីរការងារ និងបណ្ដុះបណ្ដាលវិជ្ជាជីវៈខេត្ត។ដោយ៖ភ្នំដងរ៉ែក
