ខេត្តកំពង់ធំ៖ នៅរសៀលថ្ងៃទី ២០ ខែឧសភា ឆ្នាំ២០២៦ ឧត្ដមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានដឹកនាំសហការី នាំយកថវិកាបូជាសពរបស់ក្រសួងការពារជាតិ ចំនួន ២៥,៩៨៤,៤០០រៀល ទៅប្រគល់ជូនគ្រួសារសពលោកអនុសេនីយ៍ឯក សំរិត វល័ក្ខ នាយទាហាននៃបញ្ជាការដ្ឋានតំបន់ប្រតិបត្តិការសឹករងកំពង់ធំ ដែលបានទទួលមរណភាពនាពេលកន្លងទៅ 
ដែលពិធីនេះប្រព្រឹត្តនៅគេហដ្ឋានរបស់សព ស្ថិតនៅភូមិអំពុះ ឃុំត្បូងក្រពេី ស្រុកសន្ទុក ខេត្តកំពង់ធំ ។
ឧត្ដមសេនីយ៍ទោ សោម ស៊ុន និងសហការី បានគោរពវិញ្ញាណក្ខន្ធ ដុតធូប និងបានសូមបួងសួងដល់វិញ្ញាណក្ខន្ធ របស់លោកអនុសេនីយ៍ឯក សំរិត វល័ក្ខ បានទៅកាន់សុគតិភពកុំបីឃ្លៀងឃ្លាតឡើយ និងបានសូមជូនពរដល់ក្រុមគ្រួសារសព សូមទទួលបាននូវសុខភាពល្អ ជោគជ័យគ្រប់ភារកិច្ចក្នុងមុខរបររកទទួលទាន ។
ឧត្ដមសេនីយ៍ទោ សោម ស៊ុន បានបញ្ជាក់ជូនក្រុមគ្រួសារសពថា៖ ក្រោមការយកចិត្តទុកដាក់របស់ឯកឧត្តម ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងការដឹកនាំប្រកបដោយគតិបណ្ឌិតរបស់សម្តេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា លោកបានយកទុកដាក់ខ្ពស់បំផុតចំពោះជីវភាពរស់នៅរបស់កងទ័ព និងការដោះស្រាយគោលនយោបាយនានា ក្នុងការជួយឧបត្ថម្ភជូនគ្រួសារយុទ្ធជនពលី ពីការ មរណៈ ដេីម្បីឲ្យគ្រួសារយោធិនដែលពលី ឬមរណៈទាំងនោះ មានលទ្ធភាពគ្រប់គ្រាន់ក្នុងការធ្វើបុណ្យសព និងការដោះស្រាយជីវភាពរស់នៅក្រោយអត់ពីស្វាមីទៅ ។
លោកស្រី សៀប សុីនួន ដែលត្រូវជាភរិយារបស់លោកអនុសេនីយ៍ឯក សំរិត វល័ក្ខ បានសូមគោរពថ្លែងអំណរគុណដ៍ជ្រាលជ្រៅជាទីបំផុតចំពោះសម្តេចមហាបវរធិបតី ហ៊ុន ម៉ាណែត និងលោកជំទាវ ព្រមទាំងឯកឧត្ដម ទៀ សីហា រដ្ឋមន្ត្រីក្រសួងការពារជាតិ ដែលបានផ្ដល់ថវិកាបូជាសពស្វាមីរបស់គាត់ ដែលទទួលមរណៈភាពនៅពេលកន្លងទៅ ចំនួន ២៥,៩៨៤,៤០០រៀល នៅពេលនេះ និងបានសូមគោរពជូនពរសម្តេច និងលោកជំទាវ ព្រមទាំងឯកឧបនាយករដ្ឋមន្ត្រី រដ្ឋមន្រ្តីក្រសួងការពារជាតិ សូមសម្តេច ឯកឧត្តម និងលោកជំទាវ ទទួលបាននូវពុទ្ធពរទាំងបួនប្រការកុំបីឃ្លៀងឃ្លាតឡើយ ។ 