ពិធីសំណេះសំណាល ពិសានំបញ្ចុក និងលេងល្បែងប្រជាប្រិយយ៉ាងសប្បាយរីករាយ ជាមួយប្រជាពលរដ្ឋរស់នៅក្នុងគម្រោងឡាហ្សិតស្រ៊ី (LASED III) ត្រូវបានរៀបចំឡើងក្រោមអធិបតីភាពឯកឧត្តម មាន ចាន់យ៉ាដា អភិបាលនៃគណៈខេត្ត នៅថ្ងៃទី៦ ខែមេសា ឆ្នាំ២០២៦ នៅទីតាំងដីគម្រោង LASED III ស្ថិតក្នុងភូមិស្រះកែវ ស្រុកចុងកាល់

ក្នុងឱកាសនោះ ឯកឧត្តមអភិបាលខេត្តបានអញ្ជើញជួបសំណេះសំណាលសួរសុខទុក្ខប្រជាពលរដ្ឋយ៉ាងស្និទ្ធស្នាល ព្រមទាំងចែករំលែកអាហារសាមគ្គី ដោយមាននំបញ្ចុកជាអាហារប្រពៃណីដ៏ពេញនិយម។ បរិយាកាសនៃកម្មវិធីពោរពេញដោយភាពរីករាយ និងសាមគ្គីភាព ខណៈដែលប្រជាពលរដ្ឋបានចូលរួមលេងល្បែងប្រជាប្រិយជាច្រើនប្រភេទ បង្កើតភាពសប្បាយរីករាយ និងពង្រឹងទំនាក់ទំនងក្នុងសហគមន៍។

កម្មវិធីនេះបានបង្ហាញពីការយកចិត្តទុកដាក់របស់អាជ្ញាធរខេត្ត ក្នុងការលើកកម្ពស់សុខុមាលភាព និងភាពរួបរួមរបស់ប្រជាពលរដ្ឋ នៅក្នុងគម្រោងអភិវឌ្ឍន៍លំនៅដ្ឋាន និងជីវភាពរស់នៅឱ្យកាន់តែប្រសើរឡើង។ដោយ៖ភ្នំដងរ៉ែក